Конференцияға ҚР Дін істері және азаматтық қоғам министрлігі Жастар саясаты департаментінің директоры Асхат Оралов, ҚР Дін істері және азаматтық қоғам министрі Дархан Кәлетаев, ҚР Білім және ғылым министрлігінің жауапты хатшысы Арын Өрсариев, Almaty Management University президенті, іскерлік әкімшіліктендіру докторы Асылбек Қожахметов, Жастар саясаты зертханасының (Германия) сарапшысы Мария Кристина Бакальсо қатысты.
Тыңдаушылар алдында сондай-ақ Ресей Федерациясынан келген, «Жаңа мамандықтар атласы» жобасының жетекшісі Дмитрий Судаков та сөз сөйледі:
– Кәсіби қабілеттерді тез жаңартып отырған абзал. Бүгінгі әлем күрделілігімен, тез түрленуімен ерекшеледі десек, зейінді басқару икемінің маңыздылығы аса түседі. Әлем сандық, жоғарғы технологиялық тұрпатқа ие болды десек, сандық сауаттылыққа баса көңіл бөлу керек. Қазіргі уақытта бағдарламашыларды ірі ауқымда дауындаудың қажеттілігі жоқ. Есесіне, кез келген тәжірибеде қажеттілігі туатын толассыз қабілеттер бар. Өз-өзін үйрету, үйренуді аяқтау немесе қайта бастау икемін дамыту мен сақтау аса маңызды. Олай болмаған жағдайда сапаға икемсіз болып қаламыз, - деді ол.
